أحمد المصري

الذين لا يتذكرون الماضي .. كتب عليهم أن يجربوه مرة أخرى

Posts Tagged ‘احمد عرفة’

جيش الرامبوهات

Posted by احمد المصري on October 3, 2008

“القوة المصرية الخاصة سطرت فصلاً جديداً من فصول انتصارات أكتوبر “

لا لم نحرر القدس
ولا اخرجنا المحتلين من العراق
ولم ننتقم لقتلانا من جنود على حدود اسرائيل

 

الجملة دي قالها رئيس مطار شرق العوينات تعليقا على تحرير الرهائن !!
ال ايه بقا
طيارتين هليوكبتر طلعوا من ورا القوات الخاصة الايطالية و الالمانية و الرومانية و البولندية
و فاجئوا الخاطفين و اشتبكوا معهم في قتال باسل حتى تم تحرير الرهائن
و الله كويس
بس امال ليه الرهائن قالوا ما سمعناش ولا طلقة رصاص؟
بلاش يمكن كانوا مركبين كاتم صوت ولا حاجة مش عاوزين برضه نظلم قواتنا الاسطورية
طيب امال ليه الرهائن قالوا ان الخاطفين منهم لنفسيتهم كدة قالولهم يلا انتم طلقاء وركبوهم عربيه
و ماحدش يا عيني شافهم الا بعد 300 كيلو بالعربية مع نفسهم في الصحراء . ؟
مممم
برضه علشان مش نظلم فرقة الرامبوهات دي
اكيد اكيد و هو ده اللي حصل
ان المصريين طوروا غاز جديد لما بيطلقوه بينتقي الخاطفين بس و الرهائن لا
الغاز ده بقا قول ايه
يخلي الخاطفين يتهبلوا فا من الباب للطاق كدة يلاقوا نفسهم بيحرروا الرهائن وهم في غير وعيهم
و قامت الطيارتين الهليكوبتر اللي مركبين كاتم صوت للمروحة برضه اختراع مصري مية في المية دول طالعين من ورا امة لا اله الا الله و اطلقت الغاز على الرهائن اللي اكيد عارفين مكانهم بالظبط بس مخلينهم بعيد ب 300 كيلو عنهم علشان ما ياخدوش بالهم يعني ماهو اصل الجبال لها ودان برضه زي ما احنا عارفين
و اطلقوا عليهم الغاز و سطروا سطر جديد بالقلم الفلوماستر كمان من سطور اكتوبر
طيب سطر سطر بس المهم يخلوهم جدعان بقا و يخلوه اجازة رسمية اهو نبقى استفدنا بحاجة
ولا ايه ؟؟؟؟

Posted in Uncategorized | Tagged: , , , , , , , | 4 Comments »